كل ماتحصل مصيبة فيكى يابلد افتكر مقولة " عمرو اديب" المأثورة
ان في مصر ناس بيبقو ملئ السمع والبصر وماليين الدنيا صريخ وكلام
.........وفجأة
حد يشد الفيشة
كله يقف ويظلم
ويتنسى
حتسألونى ليه بقول كده؟؟؟
اتحبس ايمن نور
قلنا له عاتىىىى
اتحبس كبشة كبيرة كده من قيادات الاخوان
قلنا كخة وحشين وبيغسلو اموال بمسحوق فيه كلور
حبسو طلعت السادات
قلنا متهور واتهم الريس عالهواء انه إتأمر فى قتل الرئيس السادات
حبسو اخوه
محمد انور عصمت السادات
دى بقى وقفت قدامها فترة
عارفين يعنى ايه سلق؟؟؟؟؟؟؟؟؟؟؟؟؟؟؟
بان على أصوله فى جلسة إسقاط عضوية عصمت السادات
سلق بالأوى يعنى
عارفين لما تحصل اخييييييرا
ان سرور
يقول
" موافقون؟؟؟.....أقلية"
بذمتكو حد سمعها منه قبل كده؟؟؟
كله موافقون موافقة
لكن اقلية دى تفصيل عشان عصمت
افلاس وإسقاط عضوية
وعشان يكملو عليه لما حسو انه فيه نفس قضية تزوير متدخلش على عيل بريالة لا مؤاخذة
بوست مكنتش عاوزة اكتبه لانى مش حخش فى تفاصيل
بس لازم ناخد من ده حكمة
محمد فوزى لما قال زمان
اسمع كلام ماما وسيب القطة فى حالها
كان عارف ان يوم زى ده جاى
نصيحة لكل مصرى
لو تطولو........امشو جوة الحيط
اصل جنبه مبقتش امان فى العهد المبارك بتاعنا
وفى كل الظروف
" إبتسم أنت فى أرض الوطن "
Subscribe to:
Post Comments (Atom)
.jpg)
19 comments:
يسعدني ان اكون اول المعلقين
هذة القضية الشائكه للغاية
انتي عارفه ليه محمد عصمت السادات اساسا طلبوا وقف عضويته
في قانون مجلس الشعب ان من يثبت قانونيا ادانته في قضية تتهم الشرف يجب اسقاط عضوية بعد اقتراع علني في جلسة المجلس
انما القضية بتاعته بقي انه كان ضامن في شيك بنص مليون جنية لاحد معارفه
ولما تعذر به الحال رفع الدائن قضية يطالب فيها باشهاره لافلاسه ليحق له بيع متتلكاته ورد الدين
اولا هذه القضية لم يحكم فيها بعد
اي انه لازال برئ منها حتي تثبت ادانته
ثانيا هذه القضيه في العرف ليست من قضايا الاخلاء بالشرف والتي تسقط العضوية لاجلها
ولكنها امر غير مباشر من احمد عز لكل الاعضاء والذين حضرو بالجمله علي غير العاده ياعني
واسمعي هذة الكلمه التي قالها السادات لاحمد عز اثناء خروجه من القاعه
---- سياتي يوم يزول فيه ( العز ) واعوانه ---- بس
احمد عبد الهادي
رد سريع جدا مبعوت فى رجل حمامة زاجلة
وراس جدى الباشا
ليك وحشة يالا
لامؤاخذة على ولا دى
بس بجد ليك وحشة
بس نصيحة منى؟؟؟
ريح دماغك ومتفكرش فى القانون خالص
القانون ده اتعمل عشان لما يكون ضدنا يطبق صح
ولما يكون معانا يدوسنا ويطبق عكسه
حتصدع نفسك ليه؟؟
عارف انت جملة عمرو اديب؟؟
فى راجل قصير بصباع هناك؟؟؟
صباعه يروح يمين يبقى يمين
شمال يبقى شمال؟؟
احمد عز احمد عز
مع الاعتذار لاحمد عز الممثل لانه هو المظلوم فى الليلة دى
منورنى بجد بجد بجد
حلو قوي مثال القطة ده..
لكن أنا شايفه بشكل مختلف..
القطة كانت في البداية قطة.. من النوع اللي تشدي ديله يهبشك ويخربشك..
لحد ماالقطة تختخت وبطرخت وبقت 3 طن.. دلوقتي تيجي تشدي ديلها.. ولا الهوا.. تزعقي فيها تتاوب في وشك.. وخم.. وخم ولا مؤاخذة..
لكن ما يمنعش ان اللي بيصمم على تحديها مباشرة بتهبش فيه..
هي كده دلوقتي.. بعد ربع قرن وصلت للحالة دي..
هي مين؟
القطة طبعا!
بصى يا بتاع....الشعب المصرى ده شعب عايز ضرب الجزمة وفى نفس الوقت يثير الشفقة ...هنعمل ايه بس ...يعنى اذا كانت عيلة السادات نفسها ماعرفتش تعمل حاجة لنفسها ولا تنقذ نفسها ...وايمن نور واحد وراه حزب و مؤيدين وغنى ومعرفش يخلص نفسه من يوم واحد سجن...وبقى كل طموحاته فى سجنه انو يسمحوله بالافراج الصحى ...يعنى النظام كسر عظام ناس وصلة زى دول ..بقية الشعب الغلابة هيعمل ايه؟؟
كل اللى نقدر نعمله اننا نقعد نتكلم ونتكلم ونزعق ... وبعدين نفتكر اننا لازم ننام عشان عندنا شغل الصبح و ان البيت مفهيوش عيش ..وفاضل اد ايه على اخر الشهر
عارفة انها نظرة انهزامية بس مع الاسف ده الواقع
وسمعنى اغنية يبقى انت اكيد فى مصر:)
تحياتى ليكى يا جميلة
عارفة
المشكلة زى مانرمين بتقول ان الشعب طالع عينه فى الجرى ورا لقمة العيش
مفيش حد عنده وقت يفكر فى البلد
والحكومة دى عايزة الحرق والبلد آخر خراب ولهى
انا نفسى اتخلص من جنسيتى المصرية دى اللى بقت سبب للعار والاحساس بالخزى من كل تصرف مشين وحقير يحدث فى البلد اللى اقل ماتوصف به انها عزبة مبارك
دي مسرحية هزلية من المسرحيات اللي بيقدموها بإستمرار
هو إنتي متفرجتيش علي المسرحيات اللي عملوها ساعة تعديل الدستور ولا إيه؟
وصدقيني مبقتش فارقة
نمشي جنب الحيط جوه الحيط فوق الحيط
كله محصل بعضه لإن مفيش منه فايده
تحياتي
بتوعة ....
صباح الفل
يا مواضيعيك اللي تودي في داهية ...
بصي يا بتوعة انا كان عندي شوية سنين يتعدوا علي صوابع الايد الواحدة لنا عرفت يعني ايه فتح عينك تاكل ملبن و اللي يجي في الريش يقشيش
التحيال و السلق و التقفيل دة طبع شعب مصر ... و لما احب اخاطب شعب مصر اخاطب مييين .. اذا كانت الناس تموت في البتاع فيبقي ميين مسؤل ..
و بعدين انتي قديمة قوي لان شعار اليوم هوة بلاش تمشي جوة الحيط علشان الحيط دة بفلوس .. روح موت احسن
لامؤاخذة طولت عليكي بس اصل قلبي محروق و دمي محروق و ريحة الشياط طلعت
يلا بقي .. هتلاقيني هنا كمان شوية
بتاع
مابلاش كلام في السياسة احنا لسة بنقول جوه الحيط ولا شكلك مسنودة بحيطة جامدة ومحدش هايقدر يكلمك
انا شخصيا مبحبش امشي خالص ولا جنب الحيط ولا جوه الحيط انا قاعد في بيتنا بين اربع حيطان
تحياتي ليكي
تسمعي عن ميكيافيلي؟
ميكيافيلي كان وضع وصايا قيام الدولة أحد هذه الوصايا كان إبادة الأسرة المالكة السابقة لضمان نجاح الحكم
عارفين ليه لان كل الاحكام صادرت من زمان ولايمكن تعديلها ماهو حكم القوى بقى حسبي الله ونعم الوكيل
هو ده مصير اى مصرى يتكلم او يلعب مع الكبار
طيب انا بضم صوتى الى زوجة د/أيمن نور واقول الالاف المؤلفة من المصريين المعتقلين داخل السجون بيعمالوهم ازاى الان؟
بس اخر كلامى مش كل اللى داخل السجون معتقل لان الناس مسجونه خارج السجون
Davinci
ههههههههه
مثالك انت اجمد
عندك حق
القطة بعد 25 سنة قلبت فيييييييل وعملت مراكز قوى من ضوافرها ثبتتها فى الارض
لو جينا نهشها حنطير احنا
يلا ......هى مبقتش بلدنا اصلا
المهم صحتك
صحيح
ماتيجى تتغدى معانا المهاردة ;-)
........................
NeRmeeN
دعينى أؤيدك وبشدة
فى كل حرف قلتيه
لان بجد مفيش حاجة تتقال غير كده
مؤيداك جدا حتى لما قلتى عليا جميلة :-)
اهى دى بالذات بقى....أؤيدك فيها لحد الصبح
ههههههههههههه
تحياتى
..........................
Mirage
منورنى كتير ياميجو
بس والنبى لو عرفت تلاقى جنسية تانية ابقى افتكرنى يعنى
نهاجر سوى اخد الجنسية معاك وابيعك زى الباشا
ايه رأيك؟؟ :-)
منورنى يابرنس
تحياتى
The Alien
عندك حق
احنا نسيبهالهم مخضرة
بس يشوفولنا حتة نتاوى فيها تحترم آدميتنا
ولهم عليا قسما عظما مااعبرك تانى يابلد
وان شاء يمضونى على إقرار:-(
منورنى ياأليون
وكل مرة بتنورنى اكتر بجد
تحياتى
.......................
اخر من الاخرين
أخرور كيفك؟؟
عن جد اشتقتلك كتير
ههههههههههه
شمة ريحة الشياط يااخويا شماه فى كل حرف كاتبه
شامم انت الشياط عندنا؟؟
لا والله مش طبيخى يادافنشى :-)
ده اعصابى
انا جلبى جايد نار يابووووى
مستنياك تانى هه؟؟
..........................
Big Code
حيطة جامدة ايه بس؟؟
ده اول واحدة حتعكش لامؤاخذة
انا واسطتى ربنا بالصلاة عالنبى
بس تعالى نفكر سوى
ناس مسنودة ومنفعهمش بحاجة
وناس ساكتة ومش مرحومة
يبقى اسكت لييييييه؟؟
كده كده الاذى طايلنى يبقى اموت بعد مااملى الدنيا صريخ وصويت
زى اى فرخة بتحترم نفسها
" على رأى استاذى د\احمد خالد توفيق"
منورنى كتير كتير
تحياتى ياكبير
قاسم أفندي
منورنى ياموسوعة
هو مش ميكافيلى ده اللى كتب كتابه الاشهر
" الامير"
واللى بعتو منه نسخة لمحمد على قالهم قولولى بيقول ايه
فقروهولو
قالهم ياااااااااه
انا بعمل كده من زماااااان
قصده على مدبحة القلعة فيما يخص نقطتك
بس هو قالها بالالبانى :-)
او المقدونى
هههههههههههههه
منورنى كتير ياموسوعة باشا
يارب تنورنى على طول
تحياتى
.......................
7ntklm
حنتكلم باشا
مصر فى العهد المبارك ده اتحولت لسجن كبييييير
او على رأى محمد صبحى
" كراخانة "
كبييييييييييييييرة
ربنا يخليلنا الريس ومرآة الريس ووزرا الريس ويوقفولنا المرور اكتر واكتر
تحياتى ياباشا
بصراحة انا باعلق تاني علشان انتي جبتي سيرة الدكتور احمد خالد وانا مقدرش متكلمش بصراحة لما حد يجيب سيرته زي اي ثرثار يحترم نفسه
ههههههه
كلمة اخيرة : بلاش اليأس ده الله يخليكي
مع اخلص تحياتي
مش عارف ليه عندي احساس ان شوية صغيرة قوي وهنضمك لشهداء الوطن
هتبقي خالدة الذكر ونقول
ايمن نور
طلعت السادات
انور السادات
خيرت الشاطر
البتاع
شفتي بقى اسمك اطحت مع الناس المحترمة دي ازاي
دة انتي شكلك كدة مش هتمسكي ديل القصة...دة انتي هتمسكي القطة نفسها
وساعتها هقول يا بيه معرفهاش وعمري ما دخلت مدونتها ولا حاجة وهتهمك بتعطيل الدستور وتكدير السلم الاجتماعي
لو سالتيني يعني ايه وازاي؟
هقوللك والله مااعرف...بس هي بتتقال كدة
تحياتي واحتراماتي يا فندم
Big Code
ههههههههههههه
كده انت صاحبى وحبيبى وكفاءة
طالما بتحب د \احمد
انا ممكن اديك مفاتيح المدونة تجيب فيها مذذ بليل من كتر ماانا عاوزة اكرمك
هههههههههههه
تحياتى ياكووود
........................
A.SAMIR
يالهوى يااحمد؟؟؟
اخص علييييييك
طب قولى حطلعلك بمظرهتين مجاملة؟؟؟
واللا حط بانر فى مدونتك فيه صورتى وانا كسيحة ومحولية
ومكتوب تحتها افرجو عن م.. قصدى البتاع
يوه كنت حقول اسمى الحقيقى :-)
اخص عليك يادووووودو
ثم سلم اجتماعك ايه اللى بكدره؟؟؟
ليه كنت صحيته من النوم ؟؟؟؟
من اول البوست الجاى حعرف عن الهربئ والفنكوش
حلو كده يامعلم؟؟؟؟
تحيات واحترامات افندينا
هيعمل ايه بس الراجل ماهو اللي غلطان
راح مدرسته ورمى كراسته وراح جر شكلها
وقطة الحكومة نمر مابيخربش ده بياكل علطول
صحيح معنكيش مكان حلو كده جوا الحيطة.....بس يكون واخد ناصية والنبي
تحياتي
محمد سمير
السلام عليكم
هو انا علشان مش زرتك بقالى فترة مافيش أى حاجة كده تطمنى عليا بيها , تفوتى عندى تشربى قهوة شاى نسكافيه منزوع الكافيين أى حاجة تسألى حتى؟ لو مش لاقيتينى أهو يبقى أسمك فوتى وعملتى اللى عليكى
أنا بقالى فترة مهيبر وهاطق فعلا
أحداث زفت فى مصر وطين هنا خلاص
والنهارده حلمت انى صاحبنا مات وهو بيتكلم وكله واقف بيتفرج وانصع من البياض مسك مكانه أستغربت أزاى ده يحصل
مالاقيش عندك تفسير
غمض عينيك
لا ناصية دى عاوزة واسطة
وانا واسطتى ربنا بالصلاة عالنبى :-)
وعلى رأيك بتهبش
شفت عمرو أديب نفسة مسك ديل القطة
واتخربش
جوم بينا نمشى ياعم
:-)
منورنى يامحمد باشا
تعالى كل يوم
...........................
عبقرينو
والله ابدا ياعبقرر
بس الموضوع انى كنت مفحوتة امتحانات
ولسة مخلصة طازة النهاردة
وحنطلك كل يوم
بس اجهز انت بالنسكافيه
بالنسبة لتفسير حلمك
هو الاكل اللى كنت حرمية فى البوست جالك واللا ايه؟؟
لالالا
متبقاش تتقل فى العشا بس :-)
تحياتى ياعبقرر
Post a Comment