ستعرفنى بالاسم
ستتذكر ايام صداقتنا
دعنا نسميها صداقتنا
لم أذكرك بالسوء حينها
ولن افعل
لماذا؟
حقا لا اعلم
كنت تقول لى ان صوتى حين اغنى تغريد من الجنة
كنت تخجلنى
كنت تداعب فيا مشاعر الانثى
كنت تعلمنى اكثر منى
كنت تقرؤنى
................
كان كلامك معى عنى يفوق الواقع والمعقول
يحملنى معه الى اللا مكان
مهما تكلمت اوحكيت او وصفت كلامك معى لن اكون دقيقة
وكنت أذوب انا مع كل حرف منك
ولكن هل توهمت انت انى احببتك؟
...............................عندما كنت ارسل لك خواطرى كنت تبالغ فى مدحى
ورقة احساسى و....الخ الخ
ولكم همست لى كلام جميلا عن كتاباتى
وغنائى وشكلى
كنت تصفنى كوصف الهة لا بشر
وكان كلامك كالخمر بأذنى
.....................
هل تذكر حين قلت لك انى مكتئبة وعلى حافة الهاوية
!!!!!!!!!!
هل تذكر كلمة انا صديقك النفسى؟؟
ومن يومها نصبت نفسك كاهن اعترافاتى
فى جعبتك احط اسرارى
وفجأة
تررن تررن
- الو...
ازيك؟؟
- الحمد لله انتى اخبارك ايه؟
-انا كويسة بس وحشتنى بجد
واللا الكتابة والنشر خدوك مننا؟؟
-لالالا خالص انا موجود
- ماشى ياعم الفنان بس بجد قلقتنى اليومين اللى فاتو
- لا ماانا مش حقلقك تانى
-........!!!!!!!!
- اصل احنا اخر مرة نتكلم
- .............
ليه؟
انا زعلتك؟
- لا طبعا
بس كفاية كده
- اه طيب
- اشوفلى صديق نفسى تانى يعنى؟؟؟
-............
- عموما خلى بالك من نفسك
وربنا يسامحك
- انتى بليز خلى بالك من نفسك اوى
-.....................
وانتهت اخر مكالماتنا
هل انت راض عن نفسك الان؟؟
هل انت الان فى صفوف العباقرة؟
لا يلقون بالا للبعد الانسانى الا على الورق حين يكتبون؟؟
لقد افتقدتك
حقا
ولكنى رغم مرور ثمانية أشهر على هذا الحوار
ومع اقتراب مرور عامين على بداية تعارفنا
مازلت لست غاضبة منك
حتى عندما رأيتك فى تلك الندوة
عندما لم اتكلم معك كان لانى ...........لا اعلم لماذا
لكنى مؤكد كان عندى سبب وجيه لعدم اعارتك اهتماما
ثم.............من اكون انا فى عالمك الواسع الزخم؟؟
مجرد اخرى؟؟؟؟؟؟؟؟؟
حقا لااعلم
ولا يهمنى الان ان اعلم
فقط لو قدر لك ان تقرأ سطورى ان أذكرنى
يا من كنت يوما ........ صديقى النفسى
.jpg)
40 comments:
انا عندى اغنية برنامج ابله فضيلة بس القديمة بتاعة الاطفال
مش عارف تعجبك و لا لأ و بعدين دى 46ثانية
ااااااااااه
ده شكله موضوع كرمب و انا مليش فى اللف
انا بدخنها ملفوفة جاهز
.............
أحييكى على صراحتك فى هذا البوست
خدى بقى الحكمة ديه من عمك عاشور
....................
البنت المثقفة زى ما بتشترى بسرعة
بتعرف تبيع بسرعة
حتى على سبيل التعرف على ثقافة أخرى
.....................
تحياتى ليكى و ليه
يا نهار اسوخ
كل دة
انا طلعت معرفش حاجة خالص
حرام عليكى
قال انا صريح قال
انا هاعيط
بس اية كل الاحاسيس الفياضة دى
كنت تقول لى ان صوتى حين اغنى تغريد من الجنة
كنت تخجلنى
كنت تداعب فيا مشاعر الانثى
دة انا طلعت صفر على الشمال
جنبك
على رأى المثل المشهور:::
اهدا يا عم دة خلاص عدا ...الى تحسبة انجلترا يطلع ايرلندا
بس الصراحة الشاب
بيستهبل
ازاى يمدح فى احساسك
دة بيهرج
على العموم انا عايز التفصيلات
بعدين بقى
سلااااااااااااااام
أحمــــــــدبــــــــــلال
تعجبنى جدا
طالما اللى قبل
" ياولاد ياولاد"
كنت فين ياعم وسايبهم يتريقو عليا؟
بس انت مش واخد بالك انك ماقريتش ولا بوست؟
والا قريت بس ولا بوست عجبك؟
منورنى ومستنية ردك فى موضوع التتر
تحياتى
................
أحمد مختار عاشور
انا بعت خلاص
من ساعة مقفلت السماعة يااحمد
بس لانى مش زيه فأنا افتكرته
عموما انا واثقة انه فاكرنى جدا كمان
وواثقة انه احتمال كبير يقرا البوست كمان
ثم انت حييتنى بتحييه هو ليه بقى؟؟؟ :-)
...............
فـــــــــــــارس
مش قلت لك مش عاوزة اديك المدونة؟؟
انا قلت
عموما انا حروح منك فين؟؟
اكيد حتقررنى :-(
طب يعنى لو عاوزة اشتمك انت ولا عايشة وخلاص ولا حدوتة مصرية اعمل ايه؟؟
اعمل مدونة شتايم مخصوص يعنى عشان انا اعرفكو؟؟
ههههههههههههه
عموم انت ياباشا ايرلندا وانجلترا والمانيا كمان
انا اجى جنبك ايه؟
ولو جاى الكلية الاحد ححكيلك التفاصيل
طحياطى
الصديقة العزيزة ( ألا إنتي اسمـك إيه صحيح ) ... تعلمنـا الحيـاة ... بصراحة كده ... داااائمًا ... ألا نعتمد على .. أحـد !!
.
.
عاوز أقول لك إني كأني أنا اللي كاتب الكلام ده ! ، أي نعم مش كله ، ومش بتلك التفاصيل الجمييييلـة ....
.
.
بس هيا الدنيـا كده ... مفيش فيها حاجة أكيدة ! ، ولا مستمرة !!! .... بتتقلب بسرعة غريبة !!
بمبرر وبدون مبررات ! ......
دلوقتي كل الكلام ملوووش أي معنى !
.
.
تحيااااتي
عندك حق ياابراهيم
مالوش لزمة الكلام
بس هى شوية شخابيط الواحد بيكتبها بدل ماتلف على رقبته تخنقه
وهذا هو ديدن الحياة
:-(
منورنى بجد
تحياتى
بوست رائع
دايما الصراحة مع النفس
بيكون فيها جانب من جلد الذات
الا ان كلامك مفيهوش جلد ذات
حقيقى الله عليكى
شجن على قوة وضعف على تحدى
عامة اللى جاى احسن
واللى انكسر يتطوح
hesterua
ميرسى ربنا يخليك بجد
بس هو فعلا انا مش ندمانة لانى مش غلطانة
يمكن لو كان لى ذنب كنت ندمت
انا بس خايفة اضعف واقول اسمه
لان للاسف كلكو عارفينه لانه بقى شخصية عامة
وربنا يارب يعليه كمان
وفعلا على رأيك
اللى اتكسر يطوح
نورت مدونتى اوى بجد
بصرحة انا كنت قريت أبله فضيلة قبل كده و قعدت يومين لغاية مالقيتها فى منتدى من المنتديات رحت منزلها و قلت أقولك
بس لقيت بوست جديد فقلت أقولك و أجى أقراه على مهلى و على العموم ده رأى فى البوست الاخرانى
موقف معتاد من أشخاص فى حياتنا نعتبرهم السند و حائك مبكانا
و لكننا نصطدم بحائط أخر حائط الواقع
سخرية مريرة للغاية
الشخص اللى نعرى اسرارانا أمامهم و ننجذب لقلوبهم نجدنا فجأة لا نعرفهم على حقيقتهم و نفقدهم بسهولة لأنهم لم يكونوا يوماً لنا أو معانا
لا لا لا بقى بجد
لونك حزايني كدة ليه يا فسواني؟
مش معقول كدة...مش متعودين منك على الوانات النفس البشرية وسبر اغوار النفس الانسانية وشغل اسامة منير دة بقى
بس بجد ان بقى
واضح انك شخصية متكاملة من مرح وثقافة ومشاعر
تحياتي واحتراماتي
أحمــــــــدبــــــــــلال
بجد بجد
مش عارفة اقولك ايه
!!!!!!!
هاتها طبعا وبجد متشكرة من هنا للاسبوع الجاى
وطبعا عندك حق
عمرهم ماكانو لينا ولالا معانا وربنا يسامحهم ياعم
منورنى جداااااااااا
ومستنية ردودك العميقة دى دايما
احم احم
والاغنية طبعا :-)
...........
A.SAMIR
ربنا يخليك ياسمورة
بس انا جوايا فعلا كل دول
ولعلمك بما انى مرحة احب اقولك ان المرحين اكتر ناس بيعيطو لما يبقو لوحدهم
واكتر ناس بتذوب من لمسة حنان
وبتتقتل من طعنة غدر
وربنا يخليك على اهتمامك
هى زى ماقلت شخبوطة نونو كده كانت خانقانى قلت اخنقكو بيها :-)
ووعد مش حكتر من النكد
منورنى للابد
وجعتيلى قلبى :(
الصداقه دى اجمل حاجة فى الدنيا كلها
بس تعرفى اوقات كتير بتقلب لحب صادق اوى
ربنا يقويكى..ولو حاسه انك عايزة تكلميه كلميه يابنتى
لا يارينا مينفعش
اللى باع مينفعش اشتريه انا
ثم ان خلاص انا نسيت بس فيه شوية اثار بتحتضر اهيه
وحتاخد وقتها
ميرسى لتفاعلك معايا
ونورتينى ياقمر
^_^ .. هاي
حلوة أوى المدونة بتاعتك ، دى أول مرة أرد فيها - رغم إني عادة مش بارد و باكتفي بالمشاهدة - بس بجد التدوينة دي حلوة جدا و كان لازم اقول إنها عجبتني أوى و حاسة إنها مكتوبة بإحساس عالي و صادق
كمان هي جاية على مزاجي أوى الأيام دي(.^^)
تحياتي
.. شوري
شورانكيز
ميرسى ليكى جدا ونورتينى
وميرسى على كلامك الجميل
وصدقينى مايسعدنيش انها تيجى على مزاجك اليومين دول
ويارب يارب متجيش على مود حد ابدا لانها مش التجربة اللى اتمنى حد يعيشها
خصوصا الناس اللى بحبهم
ونورينى دايما
هى أصلها الدنيا بمبى و الجو ربيع و كل حاجه تمام علشان تيجى انتى تنكديها؟؟!
سيبك من صديقك النفسى و صديقك البلاستيك ... أقوللك أنا على حاجه نفسى من زمان قوى أقول الكلمتين دول لحد ...
....
...
روحى ذاكرى علشان تفلحى
تحياتى :)
إيه ده بقى؟
شورانكيز هنا؟
انتي من روايات يابتاعة؟
ومخبية ليه؟؟
اعترفي!!
عموما البوست جميل طبعا.. هو مؤلم.. لأن إحساسك وصلني..
تحياتي
... الـبـتـاع
لا والله يابتاع افندى ياقرينى
انا اسفة بجد لو كنت نكدت على حد
حقيقى ياجماعة مكنش قصدى
وحاضر انا امتحاناتى بعد اسبوع ولازم فعلا اذاكر
بس معنديش نفس خااااالص
تحياتىىى الحارة لقرينى
...............
Davinci
والله ياباشا شورانكيز دى مااعرفها
دى واحدة مشكورة عجبتها التدوينة ردت
هى مين يادودو هه؟
لا بجد مين؟
انا لااعرف حد فى روايات ولا قصص
انا واسطتى ربنا بالصلاة عالنبى
نورتنى كتيير يااعز اصدقائى المدونين
الصراحة مع النفس أهم من كل شيء
أتفق مع ابراهيم انه لا داعي لكل هذا لأن مفيش حاجة أكيده كله متقلب تظل فقط الثوابت هي ما تظل أحيكي علي الصراحة وعلي الخواطر الجميلة بعيدًا عن أي شيء
تحياتي
محمد
اعجبني هذا الحوار للغاية
حتى العنوان رائع
والكلمات معبرة
تدل على مشاعر فياضة واحاسيس رقيقة
تحياتي لمن يملك قلباًَ مثل هذا
انا مع الدكتور زيفاجو
فى واللى انكسر يتطوح
مفيش حاجة بتعد على حلها
بس بجد انتى رائعة
على صراحتك مع نفسك
احيكي
I offer to my friend Esmeralda
MOTHER OF THE WORLD
Egypt , gather your children
Even the most unwelcome
And show them the facts
All of them are dear then
But for the most fearsome
It will undo their evil acts
تصدقي لو الحكاية دي بجد انا هازعل والله
ولو مش بجد انا هازعل اكتر
هوه لسه فس حد يستاهل انك تفضلي فاكره 8 شهور بعد ما نسيكي ؟
والله ولا 8 ايام حتي
ع العموم
حلوه اوي صديقك النفسي
ياريييييييييييت الاقي صديق نفسي لنفسي
الديليكون
ربنا يخليك على كلامك الجميل
وانا فعلا مقتنعة بكلام ابراهيم جدا
بس نعمل ايه فى ذكرياتنا؟؟
منورنى كالعادة
...........
صاحب البوابــة
حقيقى مش عارفة اقولك ايه؟
كلامك محرج جدا لشخصى
بس بجد ميرسى
ونورت المدونة ونورتنى
واتمنى اشوفك دايما
............
أجدع واحد في الشارع
كلمت اللى اتكسر يطوح عجبتنى جدا منه وقلتله ده
ودى حاجة انا بعملها ياجماعة بس مش قادرة انا مش زعلانة عالشخص اد ماانا زعلانة على........العشرة او المعرفة
فاهمنى؟
مش متخيلة ان فيه حد ممكن يبيع بسهووولة كده
منورنى ياجدع
ويارب الاقيك هنا على طول
..........
dear david santos
my dear friend over-sea,
i'm happy for ur comment,
but if u r sending it to
Esmeralda
then it's not me
she is a dear friend also,but not me indeed,,
but u r most welcomed whoever u think i'm ;-)
..............
احمد عبد الهادي
يبقى ممكن تزعل بس مش تزعل اوى
لانه بجد :-(
انا لسة فاكراه لانى شبه مستحيل انى ادى ثقتى لحد
فلما اديها لحد ويخونها يبقى يستحق انه يكون شخص لا ينسى :-)
عموما ده مجرد ذكرى
مؤلمة احيانا لكنها فى الاخر ذكرى
شأن اى ذكرى اخرى ديدنها
اننا نفتكرها
وانا عن نفسى اتمنى لك تلاقى توءمك النفسى مش بس صديق
حتى لا يكون قابل للخسارة ان شاء الله
نورتنى كالعادة
لكل محبى أغنية أبله فضيلة
ياولاد ياولاد
حصرياً من منتديات
HellMakers.com
http://www.4shared.com/file/15804438/8ea6cb5b/HellmakersCom-Abla_fadila.html
اهئئئ اهئئئئئ
يااحمد انا عاوزة اللى قبلهاااا
مش عاوزة ياولاد ياولاد دى
انا عمالة اقول مش ياولاد ياولاد
عاوزة اللى بصوت على الحجار وعزة كمال
عموما ميرسى كتير على مجهودك بجد
وانا حرجع اعيط تااانى :-(
بجد احساس عالى اوى
انا اول مرة اعلق عند حد دايما بتفرج بس
بس مش عارف ايه اللى شدنى المرة اعلق عندك
!!!!
انتى بجد لو زى مابتقولى تبقى ملاك
احب انى اعرفك اكتر
كلامك معبر جدا...انا شايفة انك من التعليقات اللى انتى رديتى عليها انك بتقولى ان الموضوع منتهى بالنسبالك(ولو انى مش بالعة اوى انه فعلا منتهى بس ماعلينا )بس انا عايزة اقولك مش يمكن هو حس انك هتحبيه او بتحبيه فقال يبعد عنك...عشان مايجرحكيش...انا عارفة انى بفتى هههه بس اهو مجرد استنتاج..اصل مفيش حاجة تفسر بعده المفاجىء غير كده..عموما اللى باعك بعيه واكسبى فيه كمان سواء كان(صديق ولا حبيب )
تحياتى ليكى
الله يخليكي يا بتاعة.. أنا سعيد بجد بالصداقة الجميلة دي :)
بس ايه ده بقى؟
ماشاء الله ماشاء الله.. أنا باقول ماشاء الله أهو!
مش ملاحظة ان المدونة بتاعتك قلبت شارع عمومي!
ههههههه
ياللا.. ربنا يحبب فيكي خلقه.. بس مش كلهم يعني!
شورانكيز دي يا بنتي معانا في منتدى روايات.. بس كده.. ماكنتش أعرف انها بتيجي هنا!
المدونة منورة باصحابها على فكرة :)
(أصحابها مش صاحبتها.. واخدة بالك؟.. ما أنا برضه خلاص.. بقيت صاحب بيت..!) ههههههه
Anonymous
ميرسى كتير على مجاملتك الرقيقة ونورتنى كتير
..............
NeRmeeN
بصى يانانى
انا نسيته فعلا لانى متعودتش اشترى اللى بايع
وعندى تفسير هو عمل كده ليه
تفسير شخصى طبعا
هو شغال فى مجال الكتابة والنشر وكده
ودول عادة واجب عليهم يبقو سايكو
يعملو كل ماهو غير متوقع
ولو توقعتى رد فعل ليهم يزعلو اوىىىىى
فواضح ان موضوع صديقى النفسى دى عملها وهو ناسى ولما افتكر رجع لقواعده سالما
ههههههههههه
ولو فيه كان حيحب حد يبقى هو اللى خاف يحبنى مش انا
نورتينى من هنا لبكرة
تحياتى
..............
Davinci
والله يابنى انا من وانا بعمل المدونة ( من اسبوعين) انت اول حدحطيته فى الفيفوريتس لانى كنت متابعاك من قبل ما اعملها
وموضوع شارع عمومى دى اكييييد حاجة تفرحنى ويارب يعنى متجمعين عندى دايما لانى ربنا عالم انا اد ايه بحبكو ...
وياعم خليه يحبب فيا كل خلقه وانا اختار حتوقفهالى ليه بس؟؟
هههههههههه
شورانكيز بجد مشكورة انها مبتعلقش ونورتنى بتعليقها
وكل منتدى روايات وكلل اللى مش من روايات وانا وانت ورقصنى ياجدع
وطبعا من غير ماتقول انت صاحب بيت مش محتاجة تقولها يادودو
تحياتى الحاااااارة
نورتنى كالعادة
أعتقد ان الحب والصداقة علاقة وحالة خاصة من الممكن أن تصل إلى نهاية مثلها مثل تجارب كثيرة تمر خلال مراحل العمر المختلفة ةتصل إلى نهاية
ومعنى الوصول للنهاية لايعني دائما فشل الحالة
نحن نعتبر دائما الوصول للنهاية معبر ومرادفا للفشل وذلك لتوقعنا أنها أمور لايجب أن ان تنتهي
مشكلتنا أننا عندما نمر بحالات كالصداقة والحب نعطيها كامل مشاعرنا وبالتالي نشعر بالفشل عندما تقلص وتنتهي من بين ايدينا ، حيث لايوجد مايسمى الذكرى الجميلة
اقدر مشاعرك ولكن في نفس الوقت اجد انه شخص أمين عندما وجدت المشاعر تبدلت وتوهجها قد اخفت صارحك بذلك بدلا من اللف والدوران وهي نقطة تحسب له إلا في حالة واحدة وهو ان ماكان يحدثك به طوال فترة علاقتكما كان زيفا ومن خلال لقطاتك التي ذكرتيها يبدو انه لم يكن مخادعا وكانت تلك مشاعره تجاهك وقتها فلم يكن هناك داع ليلعب بعواطفك طالما لم يكن يبغي شيئا غير معلنا لم يستطع الوصول اليه
هكذا هي الحياة تكيفي معها ولنتعلم من تجاربها
نقطة اخيرة أعجبتني صياغتك للقضية ببساطة ووضوح وبأقل الكلمات وصلنا للحالة كاملة
مبسوطة إنك فرحتي بالتعليق ، من هنا و رايح باغرقك تعليقات (.^^) بس استني عليا اخلص امتحانات
بالنسبة لمزاجي فالموضوع و ما فيه إني كنت قريت كام قصة فيهم مواقف زي ده و كانوا شاغلين بالي ، دخلت مدونتك لقيت البوست الجميل ده
طبعا أنا ما أعرفك و لا أعرفه ، بس باين عليكِ شخصية عسولة و حبوبة أوى -
ما شاء الله - بصراحة هو الخسران
(.^^)
آه صحيح .. يا رب تلاقي الأغنية اللى بتدوري عليها ، أنا لو أعرف بيجيبوهم منين كنت جبتهالك ..على العموم أنا هاسأل لك عليها
تحياتي
.. شوري
Ahmed Shokeir
ميرسى على ردك الجميل على البوست وميرسى على انك قريتها للاخر لانى لو منك مش حقراها الصراحة :-)
بص هو العلاقة كانت مش حب خالص والله
كانت صداقة بحته
بس صداقة فيها غزل
متسألش ازاى بس هو كده
كان نوع زى لما بشتكيله بيقولى ان بكرة احسن لانى ولانى ولانى....وبيعدد مزايايا
لكن والله ماكنت بحبه
كنت مدمناه اه جدا
بس مش حب
ونورتنى جدا
واتمنى اشوفك هنا دايما
.............
شورانكيز
حبيبة قلبى ربنا يخليكى انا قلقت لما لقيت دافنشى بيقولى حتى انتى علقتى فقلت يمكن مباحث واللا حاجة :-)
نورتينى وكل منتدى روايات
كنت عندكو زماااااان بس اكتفيت بانى على اتصال بد\احمد خالد
ده اللى بقى لى من كل المنتدى :-)
موضوع تعرفينى فانت متعرفنيش
لكن هو....؟؟
الله اعلم
لا تكونى متأكده ;-)
عموما اهرينى ياستى تعليقات ياسلام؟؟
وادعيلى عشان امتحانى زى امبارح الاسبوع الجاى :-(
وربنا يخليكى دورى على الاغنية الاهى يوقفلك فى كل خطوة عريس يارب
ومنورانى دايما
أنا مررتلك تاج
:)
دافنشى الكوممنت بتاعك وصلنى
وقريته يامعلم;-)
وتصدق ممكن
بس اول مرة غير تانى مرة صح؟
...........
شادي فايد
شكررا عالمزنق ده
السلام عليكم
أول مرة أزور البلوج, كلام يعبر عن أحاسيس كبيرة قوى قوى قوى
من البروفيل بتاعك عاوزة تدخلى السلك الدبلوماسى بس ساعتها هتشيلى المشاعر دى وتبقى كوندى رقم 2 :)و علشان كده خليكى زى ما أنتى البتاع(معلش علشان مش عارف أسمك) بكل مافيها من أحاسيس ومشاعر جميلة
سيعدنى زيارتك لمدونتى المتواضعة
عبقرينو
ميرسى كتير لذوقك
يعنى شفتنى قبلت ياعم؟؟؟
وعد ياسيدى ابقى فى السلك الدبلوماسى فشر مارلين مونرو
حلو كده؟؟؟
وعد لابقى مذة السلك كله
بس هو يــــــــــجىىى
ونورتنى كتير كتير
ورايحة اهه على مدونتك جهز النسكافيه عشان مش بحب الشاى
وانا جاية حالا :-)
فضيلت مستنى أول أمبارح كله وأمبارح وجبت قهوة وشاى ونسكافه كوكل المشاريب ومافيش حد جيه
على العموم أتحسبت عليكى
نصيحتى ليكى بجد علشان موضوع السلك الدبلوماسى ...وخديها منى أنا دخلت لإمتحان مرتين....ذاكرى كويس جدا وأستعدى ليه من بدرى...إقتصاد سياسى وقانون دولى وعلاقات دوليةولغات ومصر والعالم العربى
أقرأى كتييير فى المواضيع دى من دلوقتى وأنتهزى أنك دلوقتى عندك وقت
ربنا معاكى ...وعلشان تبقى دبلوماسية كبييرة بلاش كلمة موذة دى :)
ومستنى أشوف الردود الجامدة على مقالاتى
عبقرينو
والله والله والله انا اسفة
دى غلطتى بس معلش عذرى الامتحانات والله
كان عندى الاحد اللى هو امبارح امتحان ومزنوقة زنقة الهى لاتورد عليك ابدا
بس بجد رايحة
وحهريك كوممنتات :-)
وموضوع الحبل الدبلوماسى ده
لما اتخرج ابدأ ابحث فيه بجدية
بس ميرسى بجد عالنصيحة اوى
:-)
وبلاش مذة ليه؟؟
دى كميييييلة ;-)
وجاية عندك اهه
جهز عشا بقى
Post a Comment