نكتة عالطاير

- وانتى بقى ياانسة بتعملى ده كل يوم عشان تشوفى تدريب؟-
-اه حعمل ايه؟-
- بس تعب ليكى اوى ؟-
- " وما نيل المطالب بالتمنى"-
- صح , صدق الله العظيم , ونعم بالله ياانسة-

بس خلاص

قبل ماتضحك من قلبك

الموقف ده حصل معايا سخصيا مع سواق تاكسى
اه والله العظيم
يالا الغى فكرة الضحك وحضر المناديل

فيه خاطر غريب بحسة كل مرة اعدى فيها على كوبرى6 اكتوبر خصوصا اتجاه مدينة نصر

الاعلانات الضخمة الفزيعة المتعلقة هناك
اللى بتعلن عن ايشى بيتزا وايشى ملابس داخلية بدون خياطة (ياحلاوة) ومش عارفة ابصر ايه؟
!!!!!!!!!!!

كلها من الاخر شبه تفاهات
خصوصا لما تشوفو وتدققو فى شكل البيوت والعمارات اللى هى متعلقة عليها
حاجة تقطع القلب

فكرتنى بكاريكاتير قديم لعم الكاريكاتريين " بهاجيجو "...كان عبارة عن واحد غلبان جدا وعنده سل وسوء تغذية وانيميا
وشايل لسعادة الباشا صينية فيها من افخر انواع الاكل عشان الباشا يطفح

كل مرة بشوف الاعلانات دى ببقى عاوزة اعيط

واحيانا بقرر انى اقاطع كل المنتجات دى
بس الكدب خيبة والضعف اخيب
بس بكتفى بإنى اقول
حسبى الله ونعم الوكيل فى اللى نهبونا كده

نصيحة اليوم


عزيزى المواطن اوعى تاخد بنج كلى
لانه حاجة نيلة جدا :-(

لولولولولولولىىىىى

اليوم

باقى من الزمن ساعات
ويدخل سيادة ولى عهد البلاد قفص الزوجية المقدس


سيتم عصر اليوم بحضور سيادة شيخ الازهر وبابا الكنيسة والفاتيكان بالمرة ...سيتم عقد قرآن ولى عهد مصر الامير جمال مبارك على وليه عهد السيدة الاولى خديجة الجمال
هذا على ان يتم الزفاف " الدخلة يعنى عقبال ولايانا جميعا" فى يوم عيد ميلاد ملك البلاد المفدى الموافق الرابع من مايو القادم

نقول بسم الله الرحمن الرحيم عشان تبقى فتحة خير علينا

انا كان عندى بلوج تانى بس زى ماتقول كده زهقت منه
ولما عملت ده قلت اسميه ايه؟
اسميه ايه يابت؟؟
مالقيتش انسب من "البتاع" ليه؟
يمكن من كتر البتوع فى البلد؟
يمكن عشان فعلا الناس بيموتو فى البتاع؟

الله اعلم اسألو شيطانى بقى ;-)